10426084_624672590985761_6406338246430738364_n

Kash meri bhi koi behan hoti
Umar me vo mujhse chhoti hoti
vo mujhe pyar se kehti bhaiya
Uski har khushi me hi meri khushi hoti
Ham dono bhi karte roz khub sari ladaiya
Lekin phir agle hi pal hmari sulah bhi hoti
Mai bhi us par roz khub chalata order
Lekin uske dukh me meri bhi aankhe roti
Kash meri bhi koi behan hoti
Jab jab raksha bandhan aur bhaiya dooj najdik hai aata,
Mera dil harshollas se hai bhar jata
Lekin phir agle hi pal meri aankhe hai roti
Ki kash meri bhi koi behan hoti
Rishta ye bhai behan ka pavitar hai kitna
Nibhao ise jitna ye thoda hai utna
Behna ko kbhi mat karna tum udas
Q ki ye rishta hota hai sabhi rishto se khas
Mai bhi barsa deta phir us par khushio ke moti
Kash meri bhi koi behan hoti
Jab ho jati uski shadi ki umar
Dhundhta phir mai uske liye ek acha sa var
Khub dhumdham se karta mai uski shadi ki tayari
Phir vida karta mai behna apni pyari pyari
Lekin aaj bhi meri aankhe ye sochkar hai roti
Ki kash Meri bhi koi behan hoti…

(Visited 842 times, 1 visits today)

You might also like: