sad-girl-with-blood-tears-in-eyes-hd-wallpaper54

Maa bahut dard sah kar… bahut dard de kar
Tujhse kuchh keh kar, main jaa rahi hoon….
Aaj meri bidai mein jab sakhiyaan milne aayengi
Safed jode mein lipti dekh, sisak sisak mar jayengi
Ladki hone ka khud pe fir wo afsos jatayengi…
Maa tu unse itna kah dena
Darindo ki duniya mein sambhal kar rehna
Maa, Rakhi par jab bhaiyya ki kalai suni reh jayegi
Yaad mujhe kar kar jab, unki aankh bhar aayegi
Tilak mathe par karne ko maa, rooh meri bhi machal jayegi
Maa tu bhaiyya ko rone na dena
Main saath hoon har pal, unse keh dena
Maa papa bhi chhup chhup, bahut royenge
Main kuchh na kar paya, ye keh ke khud ko kosenge
Maa dard unhe ye hone na dena
Ilzaam koi lene na dena
Wo abhimaan hain mera, smman hain mera
Tu unse itna keh dena…
Maa tere liye ab kya kahun
Dard ko tere, shabdon mein kaise bandhu
Fir se jeene ka mauka kaise maangu
Maa log tujhe satayenge
Mujhe azaadi dene ka, tujpar ilzaam lagayenge
Maa sab sah lena, par ye na kehna
‘AGLE JANAM MOHE BITIYA NA DENA’

(Visited 471 times, 1 visits today)

You might also like: